Koan Diwezhañ
![](http://upload.wikimedia.org/wikipedia/commons/thumb/8/85/Giotto_-_Scrovegni_-_-29-_-_Last_Supper.jpg/300px-Giotto_-_Scrovegni_-_-29-_-_Last_Supper.jpg)
Ar Goan Diwezhañ, pe Ar Goan Ziwezhañ (Ultima Cena e latin hag en italianeg), eo ar goan a voe debret gant Jezuz hag e zaouzek abostol a-raok dezhañ bezañ harzet ha kaset d'ar marv, hervez a zo kontet en Aviel. En ul lec'h anvet cenaculum (cenacolo en italianeg) eo e c'hoarvezas ar pred, a seblant bezañ ul lec'h ma en em gavas an dud-se ouzhpenn ur wech.
En Aviel
[kemmañ | kemmañ ar vammenn]Meneget eo ar goan-se en Aviel:
- en Aviel Mazhev (26, 26-28)
- en Aviel Yann :
- Er pevar Aviel ez eus anv eus disklêriadur Jezuz a embann e vo trubardet gant un diskibl dezhañ.
Ar goan
[kemmañ | kemmañ ar vammenn]E-kerzh ar goan-se ez eus anv eus kemer bara ha gwin hag eus Jezuz en dije lavaret Grit kement-se e koun din-me. Hervez an Ilizoù eo neuze e voe savet sakramant an Eukaristiezh.
Ar c'halir santel a vez lavaret abaoe eus ar c'hib ma voe evet gwin, hag aze emañ gwrizienn ar mojennoù diwar-benn ar Graal Santel.
Krouet ha savet e oa Sakramant an Aoter en nozvezh-se. Prederiet e vez war ar grouidigezh hag ar savidigezh-se gant ar Misterioù Goulaouus.
Lid
[kemmañ | kemmañ ar vammenn]Eñvoret e vez ar Goan Diwezhañ gant ar pab hag an dud a Iliz da Yaou Gamblid, pa vezont o walc'hiñ treid tud paour (trizek a-wechoù) hag o servij koan dezho.
Ar Goan Diwezhañ en Arzoù
[kemmañ | kemmañ ar vammenn]- Gwelout ar pennad: Ar Goan Diwezhañ (arz)
Livet eo bet an darvoud gant kalz arzourien adalek dibenn ar Grennamzer. Livañ ar Goan Diwezhañ a veze graet evit kelenn an dud ha stourm ouzh an disivouderien a zistaole sakramant an aoter. Adalek an Azginivelezh e teuas da vout unan eus sujedoù pennañ al livourien. Peurvuiañ e weler an daouzek abostol, ha Yann an Avielour en e gichen. Alies e c'haller anavezout Judaz ivez.
-
Il Cenacolo, Ar Goan Diwezhañ (1494-1498)
Leonardo da Vinci (1452-1519)
Tempera war blastr, 460 × 880 cm
Iliz Santa Maria delle Grazie, Milano, Italia